Средниот бек Никола Стојчески поради повреда на препоните ќе биде аут до крајот на Европското првенство во Данска. Стојчески повредата ја доби на дуелот со домаќинот, а ситуацијата се влоши на натпреварот со Чешка.
– Големо е разочарувањето во мене бидејќи нема да можам да играм за Македонија на последниот дуел од групата против Австрија. Се повредив на мечот со данците, не тренирав еден ден и мислев дека помина, но само што влегов во игра на дуелот со чесите осетив болка по која ми стана јасно дека неможам повеќе – рече несреќниот Стојчески.
Пред почетокот на ЕП во Данска на малерите им немаше крај откако прво се повреди Наумче Мојсовски, па Филип Лазаров, а на континенталниот собир продолжи со повредата на Стојчески.
Мх.П.
