Во крводарителската акција што Црвениот крст традиционално ја спроведува на Плаошник за празниците Света Петка и Свети Климент во текот на вчерашниот ден собрани биле 80 единици крв. Дел од собраните количини се од негативните  групи кои се многу ретки, изјави за Ohridnews, претседателот на Црвен крст – Охрид, Сашо Точко. Собраните единици крв од вчерашната акција ќе бидат наменети за Коснозглобната болница.


На крводарителскиот пункт на Плаошник собрани стотина единици крв

Акцијата продолжува и денеска на истата локација. Пунктот е отворен во 10 часот, а досега биле собрани 20 единици крв кои ќе бидат наменети за општата болница во Охрид. Исто така крв за општата болница организирано  дарувале и 46 граѓани на Велес.

Г.М.