Во рамки на фам-турата на турооператори и новинари од областа на туризмот, претставници на магазини специјализирани за туризам од Франција, Велика Британија, Германија, Чешка, Словачка и Македонија, меѓу кои експерти за вински туризам, за еко туризам и одржлив развој, за источноевропски туристички дестинации, денес ќе го посетат Охрид. Целта на посетата е да се запознаат со туристичките потенцијали на градот.
Во рамки на денешната посета, како што информираат од Министерствоото за економија, предвидено е разгледување на стариот дел од градот, посета на Факултетоот за туризам и угостителство, разгледување на крајбрежјето и Свети Наум, како и средба со претседателот на ХОТАМ, Дончо Танески.
Странските туроператори во земјава престојуваат од 26 март. Со цел да се запознаат природните убавини на Македонија тие секојдневно патуваат и ги посетуваат градовите низ земјава. Фам- турата ќе заврши на 2- ри април.
OhridNews
