Стручниот совет на МКФ едногласно го прифати предлогот Марјан Лазовски да биде поставен за селектор на машката сениорска репрезентација.
Од таму напомнеаа дека се рабои за тренер кој ја има комплетната поддршка и доверба од репрезентативците, комплетниот стручен штаб и управните лица на МКФ, а кој е логично решение за таа позиција со оглед на квалитетот, искуството и континуитетот во работата со репрезентацијата, предлогот од Стручниот совет ќе биде презентиран пред членовите на Управниот Одбор кои ќе го дадат конечниот одговор.
Марјан Лазовски во последниве 5 години беше прв асистент во сениорската селекција на Јовица Арсиќ и Марин Докузовски и учествуваше во креирањето на двата најдобри резултати на нашата кошарка, освојувањето на 9-то место на ЕП во Полска и 4-то на последната европска смотра во Литванија.
Лазовски инаку е освојувач на Купот на Македонија со екипите на Вардар Осигурување и Амак СП, а со Вардар Осигурување два пати настапуваше и во финалето на плеј-офот во нашата лига. Бил тренер и на МЗТ Скопје, Пелистер и Торус, а во моментов го предводи КК Работнички.
Ohridnews
