Според статистиката и анализата на Управата за јавни приходи врз податоците добиени од Годишните даночни пријави, за 2010 Година, и според состојбите во делот на персоналното оданочување и остварените приходи на граѓаните, најголемата заработувачка за 2010 е пријавена од жител на Струга кој во 2010 година остварил вкупно бруто приходи во висина од над 148 милиони денари.
Според податоците на УЈП, најбогатиот пензионер во 2010 е пензионер од Скопје, кој покрај пензијата остварил и други приходи со што вкупниот износ на неговите годишни приходи минатата година биле во висина од 55 милиони денари.
Највисоката годишна пензија според УЈП, била исплатена на кумановец, кој врз основ на пензија остварил годишен приход од 558.947 денари.
Најголемата плата за 2010 година ја има подигнато лице од фармацевтската индустрија и истата изнесува 50.665.135 денари.
Како и во изминатите години, така и во 2010 година, граѓаните најголемите приходи ги оствариле од капитална добивка, велат од УЈП.
OhridNews
