66-годишен жител на Струга е тешко повреден во сообраќајната несреќа што попладнево се случила на магистралниот пат Кичево – Гостивар кај Ново Село. Неговото возило Мерцедес од засега неутврдени причини се судрило со друго возило исто така Мерцедес управувано од 44-годишен државјанин на Турција. При тоа стружанецот ја изгубил контролата на возилото и се превртел на покривот.
Со потешки повреди минал возачот на струшкиот мерцедес кој по укажаната помош во болницата во Гостивар бил пренесен на скопските клиники, додека турскиот државјанин се здобил со полесни повреди. Во незгодата оштетено било уште едно возило марка Сеат.
Како што соопшти АМСМ, поради незгодата извесен период сообраќајот на овој патен правец се одвивал отежнато по една коловозна лента.
OhridNews
