Ракометната струшка колонија во Металург посакува триумф на престојниот 40 јубилеен ракометен турнир Струга. Годинешното јубилејно издание се очекува да понуди квалитативен ракомет и возбудливи мечеви. Струшкиот турнир ќе има нов првак , откако последниот победик Пелистер од Битола нема да земе учество годинава.


Струшкиот ракометен состав `97 со младите Мојсоски и Јоноски во составот

На теренот на  “Женска плажа“ своите први ракометни чекори ги направилe Златко Мојсоски, Аце Јоноски и Велко Маркоски.

– Прво како стружанец, потоа како член на Металург и ракометната репрезентација на Македонија, ќе допринесеме да го подигнеме квалитативно нивото на овој турнир кој во последните неколку години беше помалце подзаборавен. За мене е лично ова е голема чест што после долги години ќе играм натпревари на овој терен. Тука ги направив првите чекори и тоа на овој турнир пред 16 години и тоа против тогаш моќната Металопластика – вели Златко Мојсовски кој е еден од повратниците на турнирот.

За “столбот“ Јоноски ова е ново учество на турнирот и тоа повторно со различен клуб. По Пелистер и Вардар ред дојде да настапи во дресот на Металург.

–    Прво ми е чест, што јас лично што играм на овој турнир и тимот на Металург. Оваа година на јубилејот ми е драго што е вака силен турнир.Едно големо задволство е за мене да се вратам во Струга и да играм пред нашата публика која не бодреше во раните почетоци на нашите кариери. Амбициите на Металруг се победнички, јас  досега два пати сум триумфирал на овој турнир еднаш со Вардар и еднаш со Пелистер,  и посебна желба ми е да го комплетирам тој хет-трик со Металург- вели Ацо Јоноски

И Велко Маркоски го врзуваат убави спомени за струшкиот ракометен бисер.
– На тој терен за прв пат се запознав со ракометот, кој подоцна ете стана моја љубов. Посебно ми е драго што ќе имам можност да се натпреварувам на вака голем јубилеј 40. Очекувам како и сите ние во клубот, во сабота ние да се радуваме на победата и да го подигнеме трофејот за најдобра екипа – истакна Маркоски.

Она во што не се сомневаат ракометарите е подршката од трибините која, како што велат тие нема да изостане.

– Од контактите со моите пријатели од Струга, очекувам силна подршка од трибините, поготово што тие тимот на Металург го осеќаат како струшки. Се надевам на полно гледалиште добар амбиент, и на еден ракометен спектакл на крајот од летната сезона – смета Мојсоски.