Објектот во кој некогаш беше сместен познатиот текстилен бренд „Стружанка“ деновиве се урива. Тешка градежна механизација засилено работи на расчистување на остатоците од фабриката која некогаш беше заштитен знак на Струга.
На атрактивниот простор кој е на само педесетина метри од езерото, како што ни беше кажано ќе се гради хотелски комплекс.
По тешките години транзиција и губењето на пазарот, „Стружанка“ во 2002 година отиде под стечај, а во 2005 година за 2,5 милиони евра фабриката ја купи компанијата „Авел“ од Албанија. Најголемиот дел од вработените кои ги загубија своите работни места со години протестираа со барање да им бидат исплатени заостанатите плати и придонеси, а неколклу пати организираа и штрајкови со блокади на патиштата.
Ohridnews
