Како гостин на издавачката куќа „Матица Македонска“, деновиве во Македонија престојува Роберт Напрта еден од најчитаните современи писатели во Хрватска, кој на Саемот на книга во Скопје ќе изврши промоција на македонското издание на неговиот роман „Луна“.
Инаку, Роберт Напрта ( по мајка Македонец ) е мултимедијална и многу интересна личност, новинар, публицист, писател и сценарист на првата сапунска серија Вила Марија ( која се прикажуваше во сите ексЈу држави), а потоа и на серијата Инспектор Ченс која освен во Хрватска, се прикажуваше во Словенија и Србија. Во својот творечки опус има добиено бројни награди. Бил заменик и главен и одговорен уредник на информативната програма на ОТВ, на неделниците Арена и Студио, а пишувал и за Глобус, Студио, Младина, Старт. Во моментов е посветен на пишувањето и само што го заврши второто продолжение на Луна. Го живее сонот од детството на својот виноград во Меѓимурје каде што одлгледува винова лоза и прави врвно вино за специјални купувачи.
Напрта со семејството викендов е предвидено да го посети и Охридско- преспанскиот регион регион од каде потекнуваат неговите корени.
