Во Охрид денеска ќе биде отворена „Решица Нет“, летна школа за “Социјално претприемништво, социјални иновации, социјални бизнис модели”, во рамки на која 23. студенти од 11. земји ќе изготвуваат бизнис планови за одржлив развој на туризмот на Охридското Езеро.
На отварањето на школата ќе се обратат претставници од локалната самоуправа на Охрид, гостите од Германија проф. д-р Петер Шулте и проф. д-р Герд Васенберг, како и претставник на Факултетот за деловна економија и организациони науки при УАКС, кој е организатор на настанот.
Мрежата РЕСИТА (формирана 2008 г.) е мрежа на 13. универзитети од Југоисточна Европа кои поддржуваат иновации и претпримништво од Југоисточна Европа, а активностите ги финансира ДААД – Агенција за германска академска размена.
