Повторениот судски процес против Бојан Угреновиќ (30), од Краљево-Република Србија, обвинет за убиството на охриѓанецот Димитар Матилоски (27), што се случи на дочекот на Нова година во 2016 година, повторно е одложено. Обвинетиот кој од 27-ми јули 2017 се брани од слобода и денеска не се појави на закажаното рочиште во Основниот суд во Охрид.

Како што беше кажано, поради здравствени проблеми на бранителот на обвинетиот Бојан Угреновиќ, со решение на Претседателот на Основниот суд Охрид, адвокатот Емил Балабан е разрешен, а за нов бранител по службена должност е назначен адвокатот Ристо Новакоски. Новакоски доставил известување до судот за неприсуство, по што судијката Весна Кичеец го одложи судењето и го презакажа за 20-ти февруари.

Досега неколку пати се одложува почетокот на повторениот судски процес откако апелацискиот суд во Битола ја укина првичната одлука на Основниот суд Охрид, кој обвинетиот Бојан Угреновиќ го осуди на казна затвор од 16 години и го врати предметот на повторно судење.

OhridNews