Кривичната судијка Софија Лаличиќ е изземена од предметите на СЈО. Тоа денес самата го побарала од в.д. претседателот на Кривичниот суд, Стојанче Рибарев, дознава ексклузивно Макфакс.
Лаличиќ побарала изземање поради тоа што се споменува во една од „бомбите“. Претседателот Рибарев го уважил нејзиното изземање.
Ова вест за Макфакс ја потврдил и самиот Рибарев.
Судијката Лаличиќ се споменува во еден разговор од „бомбите“ со шефот на тајната полиција, Сашо Мијалков.
Агенцијата потпирајќи се на неофицијални информации пишува и дека е можно уште една судијка да се изземе, иако таа не се спомнува во бомбите. Станува збор за судијката Моника Бавчованска, која, сепак, е сопруга на именуван функционер од поранешната владејачка гарнитура.
Во најновите обвиненија на СЈО обинет е целиот партиски врв на ВМРО-ДПМНЕ, на чело со лидерот Никола Груевски.
OhridNews
Извор: „Макфакс“
