Најмладите денеска ќе имаат можност да уживаат во детската забава што ја организира ЈП „Билјанини извори“. На отворениот базен вечерва во 19.30 часот гостуваат Супер ѕзвездите и Дарко Мијалкоски, со што започнува најавениот проект на јавното претпријатие „Билјанини извори за децата“, во чии рамки ќе бидат одржани фестивали, ноќно кино, куклен театар и многу други друштвени игри за сите возрасни групи.
-Овој настан претставува продолжување на активностите на ЈП „Билјанини извори“ посветени на децата, а воедно тој е отворен и за сите граѓани и посетители во Охрид. Ние во наредните дваесетина дена ќе организираме повеќе настани за деца, а на 8-ми август во соработка со ПК „Охридски Бранови“ по подолго време ќе се одржи и пливачки митинг. Денешниот настан е почеток на сите тие активности. Ќе има многу музика, игра и смеење и ги покануваме сите дечињата и нивните родители да бидат дел од големата забава на базенот „Билјанини извори“ вечерва. -изјави в.д. директорот на ЈП „Билјанини извори“ Иванчо Цветкоски.
Цената на билетот е симболични и изнесува 60 денари за целото семејство.
OhridNews
