Поранешниот светски шампиони, Тајсон Геј, доби едногодишна суспензија, откако беше позитивен на допинг тестот, објави Американската анти допинг агенција.
Исто така, Геј ќе мора да го врати сребрениот медал кој го освои како член на американскиот тим на Летните олимписки игри во Лондон. На Геј ќе му бидат избришани и сите резултати кои ги постигна од 15-ти јули минатата година.
Некогашниот рекордер на 100 метри, минатата година низ солзи призна дека паднал на допинг тестот, но дека вината не е негова. – „Практично јас му верував на некого и таа личност ме изневери“, рекол Геј.
Геј можел да добие и двегодишна суспензија, но казната му била намалена бидејќи активно помагал во истрагата. Геј на атлетските патеки ќе се врати во јуни оваа година.
„Макфакс“
