Дебарско-кичевската епархија информира дека вечерва, во манастирот „Свети Наум Охридски“, ќе се служи празнична вечерна богослужба, по повод празникот „Свети Наум Охридски Чудотворец“.
Празничната богослужба ќе започне во 19 часот и со неа ќе чиноначалствува Неговото Високопреосвештенство митрополитот Дебарско-кичевски г. Тимотеј и Неговото Високопреосвештенство Митрополитот Брегалнички г. Агатангел.
Утре, вторник, со почеток во 9 часот, во манастирот „Свети Наум Охридски“, ќе се служи света архиерејска литургија, на која ќе чиноначалствува Неговото Блаженство Архиепископот Охридски и Македонски г.г. Стефан, во сослужение со митрополитот Дебарско-кичевски г. Тимотеј и Митрополитот Брегалнички г. Агатангел.
OhridNews
