Со настапот на ансамблот за народни песни и игри „Танец“, вчеравечер, во Центарот за култура „Григор Прличев“ свечено беше отворено најновото издание на балкански фестивал на народни песни и игри. Фестивалот за отворен го прогласи претседателот на Собранието на РМ, Трајко Вељаноски, а бројната публика имаше можност да ужива во прекрасниот настап на членовите на „Танец“.
На отворањето на фестивалот му претходеше и фолклорно дефиле низ улиците на Охрид.
Од Центарот за култура информираат дека поради променливото време и втората фестивалска вечер од фестивалот , наместо на традиционалната летна сцена “Долни Сарај” ќе се одржи во големата сала на Центарот за култура “Григор Прличев”, со почеток во 21 часот.
Вечерва, публиката ќе има можност да го проследи настапот на КУД “ИЛИНДЕН” од Велгошти, Ансамблот “ОСИЕК 1862” од Осиек – Хрватска и Ансамбл “АБАНТ ИЗЕТ БЕЈСАЛ” од Бејсал- Турција.
OhridNews
