– Традиционално, секоја година со пригодна свеченост го одбележуваме првиот ден од учебната година. Сепак, не сакаме тоа само формално да го направиме, туку намерата ни е да ја искажеме сета наша почит кон новите студенти, рече деканот на ФТУ, Проф. д- р Сашо Коруноски.
Наша обврска е да ги поучеме младите да разбираат, а не само да ги меморираат знаењата кои им ги пренесуваат професорите, потенцира ректорот на универзитетот Св. Климент Охридски и додаде дека дипломираните студенти од оваа институција денес се успешни вработени во голем број фирми во земјава и во странство .
Како што беше денес истакнато, ФТУ е еден од најистакнатите членки и оснивачи на универзитетот.
Интересот за упис на ФТУ и годинава беше голем. Во новата учебна година наставата ќе ја следат околу 400 новозапишани студенти.
Утре ќе се одржи третиот уписен рок со кој се очекува да се пополнат и преостанатите педесеттина слободни места.
