Утре за празникот Воздвижение на Чесниот и Животворен Крст – Крстовден во храмот „Св. вмч. Георгиј“ во Охрид со почеток во 08:45 часот ќе биде отслужена света архиерејска литургија на која ќе чиноначалствува Неговото Високопреосвештенство, Митрополитот Дебарско-кичевски г. Георгиј.
Од Дебарско-кичевската епархија упатуваат покана до верниците да присутвуваат на прославата на овој велелепен празник, во кој се воздигнува Чесниот и Животворен Крст, сеќавајќи се на доброволната жртва на Оној Кој, од љубов кон човекот, се прикова на него.
Во молитвено единство и светотаинска заедница со благодарност кон Бога, да го прославиме Чесниот и Животворен Крст Христов кој е оружјето на спасението и знакот на победата над смртта, преку Кого на светот му се дарува вечен живот, велат во соопштението од Дебарско-кичевската епархија.
OhridNews
