Т.А. „Вис Пој“, со соопштение за јавност реагира на партиските препупукувања во медиумите во кои, како што се наведува во дописот, деловното работење на агенцијата се користи во дневно политички цели.
Во соопштението понатаму стои:
„Т.А. „Вис Пој“ со години успешно работи во туристичкиот бизнис, пред се во т.н. инкаминг дел (носењео гости од странство во Охрид) и цениме дека ставањето на нашата агенција во дневно политичките пресметки не е од корист за никој, почнувајќи од политичките субјекти, медиумите и целата заедница воопшто.
Како фирма која се води од пазарни мотиви и работи во пазарно стопанство и понатаму ќе работиме независно и надвор од дневната политика , чиј дел не сме биле никогаш и нема да бидеме ни во иднина.
Што се однесува до сите останати прашања поврзани со лиферуваните информации околу спомнатиот тендер, агенцијата нема ништо да коментира во јавноста и случајот ќе се решава во институциите на системот, а сето тоа со цел да не се нанесе штета на угледот и реномето на ни една институција или приватна фирма, како и на нашиот град Охрид.“-се вели во реакцијата на Т.А. „Вис Пој“.
OhridNews
