Преку социјалните мрежи за денеска во повеќе општини во земјава се закажани протести против полициската акција „Монструм“ во која беа уапсени повеќе лица осомничени за петкратното убиство кај Смилковското Езеро.
Претседателот на ДПА Мендух Тачи ги повика Албанците да не учествуваат на најавените протести по завршувањето на петочната пладневна молитва низ џамиите во државата.
– Ќе ги замолам сите Албанци да не се приклучуваат на протестите затоа што не ги знаеме организаторите. Не смееме да влетаме во авантури, не смееме да ги надоврземе работите од етнички и религиозен аспект. Ние никогаш не сме имале религиозни проблеми, етнички да, изјави Тачи.
За владејачката ДУИ, пак, протестите се демократско право на изразување на граѓаните.
OhridNews
