Судбината му одлучи на Пиермарио Моросини, човек чиј живот беше обележан со страдање но стоички прифатен од негова страна, фудбалер кој секогаш изнаоѓаше мотивација да продолжи понатаму да се бори.
Италија е во солзи и неверување и тажи за фудбалерот на Ливорно кој зад себе ја оставил само својата сестра за која се борел целиот живот.
Пиермарио останал сираче, откако неговата мајка Камила починала кога тој бил на возраст од 15 години, а неговиот татко Алдо две години подоцна. Сето тоа му дало мотивација да се бори за хендикепираните брат и постара сестра.
“Никогаш не се откажувам, сето ова ми дава сила да се борам, мислам дека моите родители се горди на мене“, рече во 2005 година кога го ангажираше Удинезе. Поранашениот фудбалер на Аталанта кој важеше за голема надеж беше дел од младата репрезентација на Италија на Европското првенство за млади 2009. година.
Тој никогаш не доби вистинска шанса на “Фриули”, а се докажуваше во Болоња и Виченца, летоска се врати во Удине, по што беше повторно пратен на калење во Ливорно.
Во меѓувреме умрел, и неговиот брат, а по таа трагедијата уште жестоко се борел, за постарата сестра.
Во Пескара е неизмерна тагата но и лутина поради погрешно паркираниот полициски автомобил кој спречил брза реакција на брзата помош. Пиермарио починал на пат кон болница, откако претрпел троен срцев удар.
Оhridnews
