Tеатарската претстава “Сопружници” повторно на репертоарот на охридскиот театар

Театарската претстава “Сопружници” – Вуди Ален повторно пред охридската публика.  Љубителите на театарот ќе имаат можност да ја погледнат изведбата на претставата во петок на 10.12.2021 година со почеток во 20.00 часот, во мала сала.

“Сопружници” претставува песимистичко гледиште за романтичната љубов и бракот. Хуморот во претствата произлегува од реалноста на ситуациите. Ликовите не можат да ги надвладеат своите слабости и желби и затоа влегувааат во апсурдни ситуации кои се комични. Тоа пак, од друга страна е и специфичноста на хуморот на Вуди Ален, кој многу мудро и реално ги анализира ситуациите и карактерите – вели режисерката Драгана Таневска.

Во претставата играат Гејб – Ивица Цонев, Џуди – Елизабета Стефановска, Џек – Никола Тодороски, Сали – Адријана Билаловиќ Тодороска, Мајкл – Филип Кипровски.

Картите по цена од 200 денари може да се набават на билетарата при НУЦК “Григор Прличев” – Охрид. Телефон за резервации 046/261-063, 075/283-066.

Претставата ќе се одигра согласно почитување на здравствените протоколи.

OhridNews