Како што потенцира министерот за здравство, Никола Тодоров, со таквиот начин на контрола им се упатува порака на директорите на сите јавни здравствени установи дека одржувањето на високото ниво на хигиена е еден од условите за добро функционирање на установите.
– Доколку во ненајавените контроли констатираме состојба која е различна од таа при најавената, тогаш ќе има двојна санкција за директорот. Доколку двапати по ред има двојна санкција за директорот на јавната здравствена установа тогаш ќе го смениме директорот, рече Тодоров.
Досега, од најавените контроли во здравствените установи во Македонија, инспекциските служби посетија неколку клиники во Скопје. Кај 4 од нив било утврдено дека хигиената не е на потребното ниво, за што ќе бидат превземени одредени санкции кон директорите.
