Состојбата на Ивана Шапкар која тешко е повредена во страотниот судир на два глисери на Охридското Езеро е стабилна информираат од специјалната болница за ортопедија и трауматологија „Св. Еразмо“, каде таа е згрижена.
– Во вечерните часови во нашата институција е донесена е повредена при судир на две пловни возила-глисери млада женска особа со скршеници на долната вилица, клучната коска и една од подлактните коски. Преземени се сите потрбни мерки, пациентката е во шок соба, а состојбата ја оценуваме како стабилна. Мислиме дека не е животно загрозена, меѓутоа ваков тип на повреди со ваква јачина на удар секогаш крие опасности кои се превенирани и во шок соба се мониторира целата таа состојба, истакна д-р Љупчо Богоевски – специјалист, ортопед.
Д-р Љупчо Богоевски
Богоевски посочи дека сериозноста на повредите укажува дека судирот бил многу силен. Тој како што рече, не се сеќава во последните 30 години да се случила ваква несреќа. „Имало разни нинциденти, случаи на прегазувања и слично, но директен судир на глисери колку што јас се сеќавам досега немало“, рече д-р Богоевски.
Во судирот на два глисери кој се случи на 300 метри од брегот, во непосредна близина на каналот Студенчишта, смртно настрада едно лице, а три лица се здобија со телесни повреди.
Ohridnews
