Комесарот за натпревари при ФФМ, Миле Спиркоски одложениот натпревар од 12 коло меѓу Tетекс – Шкендија  го закажа за среда 03 ноември 2010 година со почеток во 13 часот.

Во известувањето до клубовите се вели дека натпреварот е прогласен од висок ризик, а воедно се напоменува дека треба да се придржуваат на одлуката бр. 02-823 од 18.10.2010 година од Комитетот за итност при ФФМ објавена во Макфудбал број 42 од 18.10.2010 година со која на навивачите на ФК Шкендија им е забранува присуство на натпревари кои ФК Шкендија ги игра како гостин.

Од актерите се бара и почитување на Правилниците на ФФМ и позитивните законски прописи на Република Македонија.

Менаџерот за судии при ФФМ , Ангел Бунгуров денеска делегира нова судиска четворка за одложениот натпревар од 12. коло помеѓу ФК Тетекс и ФК Шкендија (03.11) на чело со Зоран Петковски ( Велес) на кого ќе му помагаат Манасиев Горан, 1 асистент (Велес),Новачев Петре, 2 асистент (Велес) и 4 судија Јакимовски Дејан( Скопје).

Причината за новото делегирање е што претходно -делегираниот судија Димитар Мечкаровски, заедно со Александар Ставрев е делегиран од УЕФА на меѓународен натпревар.

OhridNews