Во месечниот извештај за февруари 2013-та година, невладината „Транспарентност Македонија“ констатира дека земјава се уште не е зрела за спроведува на фер и демократки избори.
Во анализите на оваа невладина организација, наведени се нееднаквите услови за изборната кампања на политичките партии од власта и опзицијата, изборна корупција, нетранспареното трошење на буџетските средства, вработувањата како и прочистениот избирачки список. За прв пат во извештајот на оваа организација, анализиран е и случајот “Субрата Рој“.
За два дена политичките партии треба да ги поднесат првите извештаи до институциите во кои се наведени изворите за финансирање на кампањата. „Транспарентност“ смета дека овие извештаи како и целосните по заврување на изборите не се веродостојни. Токму затоа ја повикуваат Државната комисија за спречување корупција, да се произнесе и да ги осуди прекршувањата.
Од друга страна, владеачката ВМРО-ДПМНЕ вчера излезе со реакција до „Транспарентност Македонија“, обвинувајќи дека оваа организација е управувана од партиското раководство на СДСМ.
OhridNews
