Спортската сала, “Тодор Александров“, во рамки на ОУ „ Живко Чинго“ во село Велгошти која тековно се користи за потребите на наставата по физичко воспитување, наскоро ќе се издава и за комерцијални потреби, информираат од локалната самоуправа.
Спортската сала во Велгошти, чија реконструкција почна во септември 2012, официјално беше пуштена во употреба во март годинава.
При реконструкцијата, санацијата и адаптацијата на спортскиот објект беа потрошени 23,6 милиони денари, финансиски средства кои ги обезбеди Агенцијата за млади и спорт преку Владата на Република Македонија, во рамки на проектот за изградба на 35 спортски сали.
OhridNews
