Арсенал во 1/8 финалето ги заврши натпреварите во Лигата на Шампиони, а непреминлива пречка беше никој друг туку Европскиот првак, Баерн Минхен. Но, шансите за пласман меѓу најдобрите осум на стариот континент „топчиите“ ги загубија уште на „Емирати“ кога претрпеа пораз 2-0.
Она што повеќе ќе го загрижи менаџерот Арсен Венгер и армијата навивачи е повредата на Месут Озил, која ќе го оддалечи месец дена од теренот. Германскиот репрезентативец ќе ги пропушти одлучувачките натпревари за титулата во Премиер лигата.
Претходно во терминот на ФИФА кога се одиграа повеќе пријателски средби се повреди Џек Вилшер, а без нив двајца на теренот „топчиите“ не се ни бледа сенка на екипата која „газеше“ на почетокот од сезоната.
Мх.П.
