Шпанецот Фернадо Торес со голот во 90 минута ги сруши надежите на Барселона за одбранта на титулата во Лигата на шампиони.
– Тоа е фудбалот не победува секогаш најдобриот. Направивме се` за да го добиеме мечот. Не го играме најубавиот фудбал за око, но нашите сили ги распоредивме најдобро што умеевме – рече Торес по завршувањето на мечот.
Торес не е оптоварен против кого ќе игра во Минхен, дали тоа ќе биде Реал или Баерн.
– Дојдов во Челси за да играм вакви натпревари. Она што изгледаше разочарувачка сезона, сега може да се претвори во незаборавна – рече “Ел Нињо“
Фернандо Торес е 19 фудбалер кој во лигата на шампиони ги тресел мрежите на Реал Мадрид и Барселона. Но и првиот Шпанец на кого му успеало тоа.
М.П.
