Тренерска вртелешка на клупата на Охрид 2004

03.04.12 14:15

Заминувањето од кормилотo на охридскиот брод на Горазд Михајлов е третата тренерска смена сезонава на клупата на прволигашот Охрид 2004.

Прволигашката авантура ја започна Здравко Цветаноски кој на клупата седеше пет првенествени натпревари. Во тој период Охрид освои пет бода во исто толку натпревари. “Рибарите“ постигнаа четири гола, а примија осум гола. Забележаа само една победа, едно реми и пртрпеа три порази.

Резултатите во ерата на Цветаноски:

Ренова	–	Охрид 2-0
Тетекс	–	Охрид 1-1
Охрид	–	Силекс 2-0
Брегалница	–	Охрид 3-1
Охрид	–	Вардар 0-2

Потоа на охридската клупа дојде српскиот стратег Драган Антиќ. Популарниот “Рецко“ направи миниреволуција со клубот кој седум кола не знаеше за пораз. Во тој период во тринаесет кола, охриѓани освоија шестнаесет бода, со гол разлика 12-19.

Резултатите во ерата на Антиќ:

Шкендија	–	Охрид	2-0
Охрид	–	Металург	0-0
Хоризонт Турново	–	Охрид 2004	1-2
Охрид 2004	–	11 Октомври	1-1
Рaбoтнички	–	Охрид 2004	1-2
Охрид 2004	–	Нaпрeдoк	3-1
Охрид 2004	–	Ренова	2-2
Охрид 2004	–	Тетекс	1-0
Силекс	–	Охрид 2004	1-0
Охрид 2004	–	Брегалница	0-0
Вардар	–	Охрид 2004	2-0
Охрид 2004	–	Шкeндијa	1-2
Металург	–	Охрид 2004	6-0

Антиќ го напушти Охрид, по крајот на есенскиот дел од сезоната откако ФФМ го суспендирше на 14 месеци поради недоличното однесување на мечот со Вардар.

Вториот дел од сезоната “рибарите“ го започнаа со нов тренер. На охридската клупа седна Горазд Михајлов. Но ниту тој не издржа долго на жешкото столче. Михајлов , Охрид го водеше на четири натпревари, освојувајќи четири бода.

На три од четирите меча охриѓани не постигнаа гол, додека на единствениот на кој дадоа голови беше забележана висока победа од 3-0. Гол разликата беше 3 дадени 4 примени гола. Една победа, едно реми и два порази.

Резултати во ерата на Михајлов:

Охрид 2004	–	Хоризонт Турново	0-0
11 Октомври	–	Охрид 2004	0-3
Охрид 2004	–	Рaбoтнички	0-1
Нaпрeдoк	–	Охрид 2004	3-0