Натпреварот од третата лига Југозападен регион меѓу Мирце Ацев од Македонски Брод и охридскиот Вулкан од Косел ќе се игра во вечерен термин под рефлектори. Тоа е меч од трета вондредна рунда во ова натпреварување, а прв за новајлијата во ова друштво, Мирце Ацев.
– Имаме голема чест за прв пат клуб од нашата општина да одигра првенствен натпревар од Третата лига на новиот стадион, а задоволството е уште поголемо што тоа ќе го направиме под рефлектори.- вели Бобан Филипоски претседателот на Фудбалскиот клуб Мирце Ацев кој што континуирано веќе осум години ја претставува општина Македонски Брод на фудбалската сцена.
За фудбалерите на охридскиот Вулкан ова ќе биде ретка можност да одиграат натпревар под рефлектори.
– Одиме да се надигруваме и подобриот нека победи, сигурно дека и за нас ќе биде огромно задоволство што ќе играме под рефлектори – вели Васко Мојсоски еден од најискусните во гостинскиот табор.
Натпреврот е закажан за среда од 19 часот. Теренот на ФК Мирцев Ацев е еден од на 50 помошни фудбалски терени кои Владата на Република Македонија преку Агенцијата за млади и спорт ги изгради со средства обезбедени од Буџетот на Република Македонија.
М.П.
