Три престижни меѓународни награди за проектот “Amazing Macedonia”

Aудио визуелниот проект (40 минутна видео презентација во двд формат) со наслов “Amazing Macedonia – Волшебна Македонија”, издание на “Трето Уво”,  ја освои престижната награда “Golden Interstas – ЗЛАТЕН Интерстас’’ која ја доделува Европската Федерација на туристички новинари со седиште во Рим, Италија (еднакво на мал Оскар во категоријата на Туристички филмови). Свеченото доделување на наградите ќе се одржи во рамките на 14-ot Меѓународen фестивал на туристички филмови во Сплит Хрватска од 12 – 14 Октомври 2011 г. Овој фестивал е под специјално покровителство на хрватскиот претседател Др. Иво Јосиповиќ.

Филмот има и номинација за престижната Grand Prix (Гранд при) награда на гореспоменатиот Меѓународниот фестивал на туристички филмови во Сплит.

Како што е веќе познато, филмот во мај годинавa  беше прикажан и влезе во официјална конкуренција на 47-от Фестивал на туристички филмови во Лече, Италија каде доби Специјална награда за културолошко, историско и амбиентално претставување на Македонија. Овој Фестивал беше под специјално покровителство на италијаскиот претседател Џорџо Наполитано.

Заради тоа, по покана од Претседателот на Светската Федерација на Туристички филмови, продуцентот на филмот, Иво Јанкоски лично ќе отпатува во Сплит од 12-14 Октомври 2011 г., каде ќе му бидат врачени двете веќе освоени награди.

Доколку филмот освои Гранд при на фестивалот во Сплит, тогаш проектот “Amazing Macedonia – Волшебна Македонија” ќе се врати со дури три престижни меѓународни признанија, што претставува најголем успех за еден македонски филм во категоријата на туристички филмови до сега.