Триесет ромски деца бесплатно ќе летуваат во Охрид

Триесет деца од ромска националност од социјално загрозени семејства бесплатно ќе летуваат на Охридското Езеро.

Нивниот одмор го овозможи невладината организација МИР во рамки на ацијата „Твојот лајк е донација“ на Фејсбук страницата „На
ваша страна“, преку кои беше собрана донација од 50.000 денари, која ја удвои Стопанска банка.

Децата кои се на возраст од 8 до 12 години,  ќе поминат четири рекреативно-едукативни денови во детското одморалиште „Радости“, под надзор на стручен тим. Тие ќе учествуваат и во работилници за мултикултура и дружење со деца од други етнички заедници, а ќе посетат и повеќе културни знаменитости во градот на УНЕСКО.