Тринаесет луѓе смртно настрадале а 15 се повредени кога гром во петокот навечер удрил во импровизирана џамија во село во Бангладеш, додека во неа се молеле верниците.
Жителите на селото Сарасватипура, 200 километри североисточно од главниот град Дака, една куќа ја претвориле во привремена џамија, бидејќи силните дождови оневозможиле да одат во вистинската џамија последните седмици.
Триесет и пет лица се собрале во петокот вечерта на посебната рамазанска молитва кога во храмот удрил гром и го убил имамот и уште дванаесет верници, прецизираше полицијата.
Громовите се чести во регионот Сунамгањ, позната по најголемите езера во Бангладеш, главно во текот на монсунските периоди меѓу јуни и септември.
OhridNews
извор:„Макфакс“
