Со зачленувањето на 24 спортисти Центарот за едукација на менаџмент во спортот (ЦЕМС) ги направи првите чекори во Струга. Координаторите во фудбал односно ракомет, Артим Шаќири и Пепи Манасков им ги доделија на спортистите членските книшки и полисите за осигурување кои ќе ги заштитуваат спортистите членови во ЦЕМС.
Претседателот на ЦЕМС, Бојан Захариев на средбата со младите спортисти во Струга истакна дека е презадоволен од желбата и волјата која ја гледа во спортските надежи.
Легендата на македонскиот ракомет Пепи Манасков во обраќањето кое го имаше пред членовите на ЦЕМС рече – Вакви центри и друштва кои ќе се залагаат за иднината и напредокот на спортистите во моето време немаше. Да имаше луѓе кои ќе ми го покажеа правиот пат кој знае каде ќе ја завршев мојата кариера.
Мх.П.
