По повод празникот на „Свети Климент Охридски Чудотворец“, патронот на градот Охрид и на Македонската православна црква, Дебарско-кичевската епархија ги известува своите православни верници дека денеска – 7 декември 2008 година, во манастирот „Свети Климент и Пантелејмон“ на Плаошник, ќе се служи празнична вечерна богослужба со почеток во 16.00 часот, на која ќе чиноначалствува неговото високопреосвештенство митрополитот Дебарско-кичевски г. Тимотеј, со повеќемина свештенослужители.
На 8 декември 2008 година (понеделник), во манастирот „Свети Климент и Пантелејмон“, Плаошник, ќе се служи света архиерејска литургија, по повод празникот „Свети Климент Охридски Чудо-творец“, со почеток во 9 часот, на која ќе чиноначалствува неговото блаженство Архиепископот Охридски и Македонски г.г. Стафан, во сослужение со митрополитот Дебарско-кичевски г. Тимотеј и епископот Хераклејски г. Климент, како и со повеќемина свештенослужители.
По тој повод Дебарско-кичевската епархија ги повикува сите свои верници на заедничко прославување на овој празник.
