Еден од најуспешните спортови во градот атлетиката и атлетскиот клуб Охрид минуваат низ тешки денови. Клубот години наназад мака мачи со финансиите кои се проблем за поголем дел од охридските спортски колективи.
Управниот одбор на А.К Охрид ќе поднесе оставка ако во меѓувреме не најдат финансиер, кој ќе го „извлече“ клубот од работ на маргините.
– Приходите од Агенцијата за спорт и млади ги нема повеќе. Општината Охрид во неколку наврати ни помогна со превоз, но тоа не е доволно да продолжиме со натпреварите. Управниот одбор долго време се бореше и излегуваше со овие проблеми, но доста е, вака веќе не оди – рече првиот човек на УО, Неданов за телевизијата „ТВМ“.
Атлетскиот клуб Охрид е единствениот од градот, кој имал спортист на едни летни Олимписки игри, а за успесите говорат освоените 4927 медали и 110-те рекорди сопственост на охридските атлетичари.
Мх.П.
