По веќе загубената титула во македонскиот шампионат „црвено црната“ армија во Охрид на 22-то издание од Купот на Македонија ќе атакува на деветтата титула во историјата.
– Многу им се задолживме на навивачите и раководството по неуспехот со Металург во двомечот од Супер лигата. Шанса која не се пропушта е Купот на Македонија и ќе мора да ја зграпчиме со две раце – рече капитенот на Вардар, Филип Лазаров.
Титулата од Купот на Македонија не била примарна цел на „црвено црните“, но сепак ставаат голем акцент на ова натпреварување.
– Трофејот во првенството е најважен, но и пехарот од Купот е големо достигнување. Ако успееме да го освоиме и кога ќе сумираме дека ја покоривме СЕХА и стигнавме до осумте најдобри во ЛШ немаме така лоша сезона зад нас – додаде капитенот.
Натпреварите во Купот се играат в сабота и в недела.
Мх.П.
