Македонската фудбалска експедиција се очекува да се докомплетира во базата во Братислава , во пресрет на воведниот натпревар од квалификациите за ЕП 2012 година во Полска и Украина.
Последен на експедицијата ќе и се приклучи капитенот Пандев кој со авион на Интер ќе допатува во Братислава.
– Добра вест е што заедно со Грнчаров, Тричковски и Стојков ќе пристигне и Величе Шумуликоски кој претходно најави пристигнување на 1. Септември. Играчите кои се дојдени за здрави, расположени и денес прошеа низ врнежливата Братислава. Покрај на терените на ФК Петржалка ќе тренираме и на стадионот на ФК Ружичка. Овде во базата е и нашиот капитен Гоце Седлоски кој дојде да ни даде поддршка што одлично е прифатено од репрезентативците – рече селекторот Мирсад Јонуз.
Седлоски беше “шпиунот“ на Јонуз на мечот Хрватска – Словачка кој заврши 1-1. Популарниот Седло кој одигра 100 натпревари за Македонија, ќе треба на стручниот штаб и репрезентативците да им ги укаже слабите точки на осминафиналистот од последниот Мундијал.
Натпреварот Словачка – Македонија се игра в петок.
