Македонската фудбалска репрезентација се најде на 81. место на ФИФА рејтинг листата за првиот месец во 2011 година. Серијата негативни резултати на избраниците на Мирсад Јонуз не фрли на днотото на балкансата листа, а пред Македонија се наоѓаат земји како Боцавана, Венецуела, Куба, Мали, Бенин …
Македонија најдобро пласирана на ФИФА листата беше во октомври 2008 година, завземајќи го 46 место. Најслабиот пласман сме го имале во 1994 година и тоа 147 место.
Во последните две години, Македонија претпре вртголав пад на светската листа. Во овај период до најдоброто место дојдовме благодарение на победата над Шкотска со 1-0 на стартот на квалификациите за СП 2010 година.
Но по за нас “традиоцинално несреќениот“ пораз од Исланд во Рејкјавик со 1-0, колата тргна низ брдо. Нарушена беше атмосферата во националниот тим и по тешкиот пораз од Холандија со 4-0 му беше врачен отказ на словенецот Среќко Катанец.
Неговата замена Мирсад Јонуз, ја превезеде селекцијата кога бевме на 64 позиција. Поранешениот селектор на младата селекција имаше блескав старт, победа над Исланд(2-0) и реми со Норвешка (0-0) што не искачи на 53 место, што преставува најдобар пласман на “црвено- жолтите“ под водство на Јонуз.
Оттогаш наваму следува константиот пад на националниот тим, па позициијата ни е безмалку идентична со септември 2001 година кога сме биле 80. пласирани.
М.Постоловски
