Осмомартовските тезги викендов беа поставени на просторот кај чинарот. Како и секоја година така и оваа на нив се нудат голем број различни видови цветови и саксискии цвеќиња.
Цената на една ружа се движи од 100 до 120 денари зависно од нејзината големина, велат продавачите кои тврдат дека ова цвеќе секоја година е најпродавано за Денот на жената. Цената на саксиското цвеќе е од 150 до 750 денари.
Цвеќарите ги прават завршните подготовки и набавки пред осми март, затоа што очекуваат и поголем број купувачи на овој ден. Потенцираат дека цените на цвеќињата ќе бидат исти како и секој друг ден.
Цената на една ружа во цвеќарите изнесува 100 до 150 денари, а саксиското цвеќе зависно од големината, од 200 до 1. 000 денари.
OhridNews
