– Работам во повеќе театри, но она што можам да го кажам за Охрид е дека многу брзо се создаде навика кај публиката за доаѓање во театар , која можеби ја имало и претходно. Секоја сабота салата е полна, што многу ретко се случува во останатите театри. Драго ми е што се увиде дека охридската публика заслужува театар и уште многу изгледани претстави, вели Цветановски.
Салата во Центарот за култура „Григор Прличев“ беше преполна и за последната одиграна претстава „Полицајци“, чија премиера и претпремиера беше викендов, при што повторно се бараше карта повеќе.
Од страна на раководителот на театарот, Горан Стојаноски, најавено е дека во текот на наредниот период ќе следи техничко и кадровско доопремување на театарот, со што освен од уметнички , квалитетот на претставите ќе се подобри и од технички аспект.
