Турнирот „Крсте Андоновски“ ќе има нов освојувач, македонското дерби за Е. Пелистер

Три натпревари се одиграа денеска на Меѓународниот меморијален турнир „Крсте Андоновски“. Во попладневниот термин Партизан убедливо го совлада Киндил со 34:21, а Тимо Требње беше поуспешен од Динамо Панчево со 30:28.

Во вечерниот термин се одигра големото македонско дерби помеѓу Еурофарм Пелистер и Вардар. Во натпревар во кој двата тима настапија без повеќе стандардни играчи славеа битолчани со 28:23. Со овој пораз Вардар речиси целосно ги загуби шансите за пласман во финалето што значи дека турнирот во Охрид ќе има нов победник.

По две кола во групата А Охрид има максимален учинок, 4 бода по два натпревари, и со победа над Нексе во последното коло, утре вечер од 21 часот, „гладијаторите ќе обезбедат пласман во големото финале“. Во Б групата Е. Пелистер е во најдобра позиција со 3 бода, колку што има и Тримо Требње. Пелистерци утре во терминот од 16:30 играат со Динамо Панчево, а од 18:45 се среќаваат Тримо Требње и Вардар. Вечерниот термин од 21 часот е резервиран за натпреварот помеѓу Охрид и Нексе.

Г.М.