Претседателот на Владата на Република Турција, Реџеп Таип Ердоган“, во рамки на официјалната посета на Република Макдонија, денеска ќе престојува во Охрид.
По тој повод попладнево во делови од градот привремено ќе биде ограничено движењето на моторни и друг вид на возила со физичко регулирање на одредени локации.
Како што информираат од Секторот за внатрешни работи Охрид, полицијата ќе издава писмени предупредувања на сите паркирани патнички и други моторни возила по должината на Булеварот „Туристичка“ но и во стариот дел од градот, каде високата делегација од Турција, ќе посети дел од културно-историските знаменитости на градот. На овој потег но и на неколку други сообаќајници, нема да биде дозволено запирање или паркирање на моторни возила. Предвидено е отстранување на неправилно паркирани патнички и друг вид моторни возила како и на оставени предмети од сообраќајните површини.
СВР Охрид апелира до граѓаните за време на посетата на турскиот премиер на Охрид да се воздржат од користење на возила.
