Италијанската фудбалска федерација соопшти дека ќе испрати тужба за наместени натпревари против Лацио, Лече, Џенова и осум фудбалери за кои има сигурни докази.
Италијанското обвинителство ги испитува натпреварите меѓу Лацио и Џенова како и Лече и Лацио од мај 2011 година. Двата натпревари завршија со идентичен резултат 4-2 за лацијалите.
Постапка за наместени натпревари е покрената за актуелниот капитен на „небесносините“ Стефано Маури, а покрај него на „црната листа“ се наоѓаат уште Марио Касано, Карло Џервасони, Масимилијано Бенаси, Омар Милането, Алесандро Замперени, Антонио Росати и Стефано Ферарио.
Ако обвинителството успее да докаже дека овие два натпревари биле наместени фудбалерите ќе бидат драстично казнети а клубовите санционирани ќе бидат со одземање на бодови.
Мх.П.
