И оваа пролет во рамките на проектната активност „планинарење“, наставниците и учениците од гимназијата „Св.Климент Охридски“, организираа планинарска тура од местото „Два јавора“, до с.Велестово во должина од 20 км.
И овојпат турата попатно ги носеше учесниците по месноста „Суво поле“ до куќата Шербојца на Н.П.Галичица каде го имаа и првиот одмор.
По пријатниот одмор групата продолжи кон пештерата „Саматска дупка“.
Пријатното и сончево време го зголеми задоволството од престојот во природа
Како и на досегашните планинарски тури на Галичица, стручна помош учесниците на маршот добија од вработените во Н.П.Галичица, кои цело време беа со учениците и ги информираа за природните богатства кои ги има охридската планинска убавица.
Планинарската тура предизвика голем интерес кај учениците. Учествуваа 240 ученици, а најмалиот учесник Јана Голабоска има само 9 години. По неколку часа пешачење планинарите пристигнаа до с.Велестово од каде исполнети со задоволство и силни импресии се упатија кон своите домови.
На оваа веќе традиционална планинарската тура присуствуваа повеќе професори и директорто на охридската Гимназија Наум Рилкоски, како и познатиот шумен Жанко З’ш Голабоски.
OhridNews
