Ученичката Аспасија Цветкоска победи на државниот натпревар по германски јазик

Ученичката Аспасија Цветкоска од ОУ „Живко Чинго“ – Велгошти, го освои првото место на државниот натпревар по германски јазик, што се одржа во Скопје.

Аспасија која настапи под менторство на наставничката Марија Ставреска, до успехот стигна во конкуренција на 24 ученици од цела Македонија, кои се селектираа низ регионалните натпревари, меѓу кои беа и 3 ученици од Охрид.

Со освоеното прво место на државно ниво, ученичката Аспасија Цветкоска се стекна со стипендија за 2 неделен курс по германски јазик во Германија, која ја обезбедува Гете институт. Исто така ученичката Аспасија доби и стипендија за учество на интернационалната Олимпијада по германски јазик, што ќе се одржи во Франкфурт наредното лето.