Во категоријата есеј, за најдобар е избран текстот „Заштити ја природата – зачувај го традиционалното земјоделство“, од учениците Кирил Наумоски и Дарко Ристески од осмо одделение, под менторство на проф. биолог Милка Алачоска.
Од околу 100 пристигнати цртежи кои ја отсликуваат темата „Заштити ја природата- зачувај го традиционалното земјоделство“, за најдобар е избран цртежот од Ангела Стеваноска, ученичка од петто одделение од ова школо, под менторство на проф. по ликовно образование Звонко Целески. Наградените добија фото-апарати, еколошки енциклопедии, маици, училиштен прибор, за поттик за понатамошно вклучување во еколошки активности.
Благодарница доби и училиштето, која ја прими директорот Муамер Доко. Тој истакна дека соработката со еколошките друштва ќе биде позасилена, а училиштетото ќе продолжи со стимулирање на нови заштитници на природата.
Проектот „Промовирање на земјоделие со високи природни вредности и агро-еколошки плаќања“, се спроведе од страна на Движењето на екологисти на Македонија (ДЕМ) и локалните членки, меѓу кои е и охридското здружение „Грашница“.
Во рамки на кампањата беа организирани различни активности во повеќе градови, во кои ученици од средните и основните училишта ширум Македонија твореа на тема „Заштити ја природата – зачувај го традиционалното земјоделство“.
