Учениците од „Кочо Рацин“ повторно хумани- донираа 100 пакети со храна

Учениците од Основното и подрачното училиште „Кочо Рацин“  се приклучија кон хуманата мисија на Црвен крст, донирајќи околу 100 детски пакетчиња со прехрамбени производи.

Мотивирани од акцијата по повод Неделата на гладта, учениците кои се истовремено и волонтери Ивана Мирческа, Наташа Тасеска, Антонела Трајкоска и Марија Стојанова поддржани од професорката Доста Недеска која и самата е долгогодишен активист на Црвениот крст, како и стручната служба на училиштето ја спроведоа активноста ,,Од децата за децата“.

Од нивна страна беа подготвени пакетчиња со прехрамбени производи кои се наменети за децата од социјално загрозените семејства од нашиот град и Општина Дебарца .

– Оваа акција се реализира неколку години со ред и треба да претставува пример и мотив и  за другите училишта, додаваат од општинскиот Црвен крст .