Од над 650 пријавени ликовни и литературни творби од учесници од целата држава, меѓу најуспешните 10 на конкурсот за избор на најдобри ученички ликовни и литературни творби изработени на компјутер на тема: „ Компјутерот – мојот прозорец кон светот “, беа прогласени двајца ученици од охридското ОУ „Братство Единство“. Сухејл Џелили од VI-3/9 одд. со литературната творба- Компјутери го освои четвртото место, а Семра Веселоска од IV- 8 одд. со литературната творба – Милото компјутерче, деветтото место.
Конкурсот се организираше во рамки на проектот на УСАИД за Е-пристапни основни училишта „Еднаков пристап за еднакви можности“, чиј организатор беше Здружението на граѓани „Отворете ги прозорците“ .
Наградите за најуспешните ликовни и литературни творби ќе бидат доделени на конференцијата „За Е- пристапни основни училишта “ што ќе се одржи на 28-ми март во Скопје.
Наградените творби ќе бидат објавени во печатена публикација. Сите останати учесници на конкурсот „Компјутерот – мојот прозорец кон светот“ ќе добијат благодарници.
OhridNews
